வெரிக்கோஸ் பிரச்னை ஆரஞ்சு தருகிறது தீர்வு

வெரிக்கோஸ் பிரச்னையால் பாதிக்கப்பட்டுள்ளவர்களின் கால்களை, பத்திரமாக பாதுகாக்க வேண்டும். குறிப்பாக, சர்க்கரை நோயாளிகள் மிகவும் கவனமாக இருக்க வேண்டும்.
வெரிக்கோஸ் பிரச்னையில், நாளப்புடைப்பு ஆபத்தை தரும். இந்த ஆபத்துக்கு தீர்வு தருவதாக அமைகிறது ஆரஞ்சு பழம். ரத்தக்குழாய்களுக்கு வலுவையும், அவற்றின் வால்வுகளுக்கு பலத்தையும் தருவதுடன், வீக்கத்தையும் ஒவ்வாமையையும் நீக்கி, ரத்த ஓட்டத்தையும் சீர் செய்கிறது ஆரஞ்சு பழம்.

சிட்ரஸ் சைனன்சிஸ் என்ற தாவரவியல் பெயர் கொண்ட, ரூட்டேசியே குடும்பத்தைச் சார்ந்த பெருஞ்செடிகளின் பழங்கள் உணவாகவும், மருந்தாகவும், வழிபாட்டு மூலிகையாகவும் பயன்படுகின்றன. ஆரஞ்சில் காணப்படும் ஹெஸ்பெரிடின், ரூட்டின், நாரிஜெனின், வைட்டமின் ஏ, தையமின், பைரிடாக்சின், போலேட் போன்ற வைட்டமின் பி, வைட்டமின் சி, கரோட்டின்கள், சேந்தின்கள், பொட்டாசியம், கால்சியம் ஆகியன, சிறந்த பயோபிளேவனாய்டுகளாக செயல்பட்டு, நாள புடைப்புக்கும் அதனால் ஏற்பட்ட புண்களை ஆற்றவும் பெரிதும் உதவுகின்றன.
பயோபிளேவனாய்டுகள் நிறைந்த ஆரஞ்சு பழச்சாறை, தினமும், 60 முதல் 120 மிலி ஒரு வேளை இளஞ்சூடான நீருடன் கலந்து சாப்பிட்டு வந்தால், நுண்ணிய குழாய்களில் ரத்த ஓட்டம் அதிகரிக்கும். ஆரஞ்சு பழச்சாற்றை கடுக்காய்த்தூளுடன் சேர்த்து பிசைந்து, இளந்தீயில் சூடாக்கி, மெழுகுபதம் வந்ததும் வெயிலில் காயவைத்து, பொடித்து வைத்துக்கொள்ள வேண்டும்.
2 முதல் 4 கிராம் அளவு வரை இதன் பொடியை மாலையில், 100 மில்லி லிட்டர் வெந்நீரில் கலந்து குடித்து வந்தால், நுண்ணிய ரத்தக்குழாய்களில் ஏற்படும் அடைப்பு மற்றும் ரத்தக்குழாய் அடைப்பு நீங்கும். ஆரஞ்சு பழத்தை சாலட், ஜுஸ், ஜாம், ஜெல்லி அல்லது டீ போன்ற, ஏதேனும் ஒரு வடிவத்தில் உட்கொள்வது நல்லது.
பழங்களில் உள்ள நார்ச்சத்து, ரத்த சர்க்கரை அளவைக் குறைக்கின்றன. குறைந்த அல்லது பூஜ்ஜிய ஆற்றலுடைய நார்ச்சத்துகள், குளூக்கோஸ் கிரகித்தலை தாமதப்படுத்துவதுடன், இன்சுலின் தடையை நீக்கி, செல்களின் இன்சுலின் ஏற்கும் திறனை அதிகரிக்கின்றன.
பெர்ரி, ஆப்பிள், பேரீச்சை, நாவல் போன்றவற்றில் போதுமான அளவு நார்ச்சத்தும், மெக்னீசியமும் உள்ளதால், அன்றாடம் குறைந்தளவில் இதனை உட்கொள்ளலாம். மருந்துக்கடைகளில் கிடைக்கும் சிட்ரஸ் பிளேவனாய்டுகள் சேர்ந்த, சி.வி.பி. கேப்சூல் தினமும் ஒன்று சாப்பிட்டு வந்தால், நாளப்புடைப்பு மற்றும் அதனால் தோன்றிய புண்கள் விரைவில் ஆறும்.

இளமை தரும் ஆயில் மசாஜ்!

திருமணம் வரை அழகை பரமரிக்கும் பெண்களால், அதன் பிறகு குழந்தை, குடும்பம் என இவற்றில் கவனம் செல்ல, சரும பாதுகாப்பு என்பது இல்லாமல் போய் விடுகிறது. சருமம் கடினமாக மாறுவதை யாரும் விரும்ப மாட்டார்கள். ஏனென்றால், இது முதுமையின் அடையாளம்.
இதற்கு, முக்கிய காரணம் உண்ணும் உணவு முறைகள் தான். இப்படி வாழ்க்கை ஒருபுறம் போக, மனதில் இளமையை காக்க வேண்டும் என்ற எண்ணம் இருந்து கொண்டே தான் இருக்கும். எண்ணெய் மசாஜ் எடுத்துக் கொண்டால், இளமையை பாதுகாக்கலாம். என்னென்ன எண்ணெய்களால் மசாஜ் செய்யலாம்?
திராட்சை எண்ணெய்:

இந்த எண்ணெயில் வைட்டமின் ஈ சத்து அதிகம் உள்ளது. ஆகவே, சருமம் எப்போதும் ஈரப்பதத்துடன் இருக்கும். அது மட்டுமல்லாமல், திராட்சை எண்ணெயில் மசாஜ் செய்தால், சரும தளர்ச்சி நீங்குவதோடு ஏதேனும் தழும்புகள் இருந்தால், நாளடைவில் மறைந்து விடும். முகம் நன்கு பொலிவோடு இருக்கும். எந்த வயதிலும் இளமையாக இருக்க விரும்புபவர்கள், இந்த மசாஜை செய்தால் முகச் சுருக்கம் நீங்கி, இளமை நிலைக்கும்.
அவகோடா எண்ணெய்: நமது உடலில் சருமம் தளர்ந்து காணப்படுவதற்கு காரணம், உடலில் இருக்கும் கொலாஜெனின் உற்பத்தி குறைவாக இருப்பதுதான். ஆனால் இந்த அவகோடா எண்ணெயில் இருக்கும், ஒமேகா 3 பேட்டி ஆசிட் அந்த கொலாஜெனின் உற்பத்தியை அதிகரித்து, தளர்ச்சியை குறைத்து விடும். ஆகவே இந்த எண்ணெயை வைத்து மசாஜ் செய்தால், சருமம் இறுக்கமடைந்து முகத்தில் சருமத்துளைகள் அதிகம் காணப்பட்டாலும், அவற்றை விரைவில் போக்கி விடும்.
நல்லெண்ணெய்: மசாஜ்க்கு பயன்படுத்தும் எண்ணெயில் மிகவும் சிறந்தது நல்லெண்ணெய் தான். சில நேரங்களில் எண்ணெய் மசாஜ், பருக்களை ஏற்படுத்தும். ஆனால் நல்லெண்ணெயை பயன்படுத்தினால், எந்த ஒரு பிரச்னையும் வராது. இந்த எண்ணெய், சருமத்தில் ஏற்படும் பருக்களை நீக்கி விடும்.

ஆலிவ் எண்ணெய்: எண்ணெய் வகைகளில் மிகச்சிறந்த எண்ணெய், ஆலிவ் எண்ணெய். இதில் ஆன்டிஆக்ஸிடன்ட் மற்றும் ஓமேகா பேட்டி ஆசிட் அதிகமாக இருக்கிறது. முக்கியமாக, இந்த எண்ணெயை வைத்து மசாஜ் செய்யும் போது, எண்ணெயை எக்காரணம் கொண்டும் சூடேற்றக்கூடாது. அவ்வாறு சூடேற்றினால் அதில் உள்ள சத்துக்கள் அனைத்தும் அழிந்துவிடும். ஆயில் மஜாஜ் செய்து, உங்கள் இளமையை தக்க வைத்துக்கொள்வது உங்கள் கையில் தான் இருக்கிறது. முதுமைக்கு குட்பை சொல்ல, ஆயில் மசாஜ் எடுத்துக் கொள்ளுங்கள்.

மயக்கத்தில் எத்தனை வகை?

மனிதர்களின் வாழ்வில் பலவிதமான மயக்கங்கள் உண்டு. அவை வாழ்வை ரசனையாக்க உதவுகின்றன. அதேவேளையில், நாம் நன்றாக இருக்கும் போதே, திடீரென்று கண்கள் இருட்டிக்கொண்டு வர, நம்மைச் சுற்றி என்ன நடக்கிறது என்று தெரியாத அளவுக்கு, மூளை வேலைநிறுத்தம் செய்ய, தடாலடியாகக் கீழே சாய்ந்து விழும் உடல் சார்ந்த மயக்கத்தை கண்டு அஞ்சுகிறோம்.

உடல் சார்ந்த மயக்கத்தில், ‘குறு மயக்கம், நெடு மயக்கம்’ என, இரு வகை உண்டு. பள்ளி, கல்லூரி மற்றும் மக்கள் அதிகமாக நடமாடும் பொது இடங்களிலும் அலுவலகங்களிலும், திடீரென்று யாராவது மயக்கமடைந்து விழுந்தால், அது, குறு மயக்கம்.
மூளைக்குத் தேவையான ரத்தம் செல்லத் தடை ஏற்பட்டால், குறு மயக்கம் ஏற்படுகிறது. ஏதோ ஒரு காரணத்தால் ரத்த ஓட்டம், சில நிமிடங்களுக்கு இடுப்புக்குக் கீழே நின்று விடுகிறது.
மூளைக்குச் செல்லும் ரத்தம் குறைகிறது. இதனால் மயக்கம் ஏற்படுகிறது. மயங்கித் தரையில் விழுந்ததும், ரத்த ஓட்டம் சரியாகிவிடுகிறது. இதனால் மயக்கமும் சரியாகிவிடுகிறது.
காலை உணவைச் சாப்பிடாமல் பள்ளிக்கு வருவது, முதல் காரணம். இதை, ‘பசி மயக்கம்’ என்று கூறுகிறோம். இரவுத் தூக்கம் தேவையான அளவுக்கு இல்லாதது, அடுத்த காரணம். ஒரே இடத்தில், அதிக நேரம் நிற்பது, மூன்றாவது காரணம். குறிப்பாக, வெயிலில் நீண்ட நேரம் நின்றால், மயக்கம் வரும். உடல் சோர்வு, இந்த மயக்கத்தை வரவழைக்கும்.
உணவு புரையேறுதல், தொண்டை அடைத்துக் கொள்ளுதல் ஆகிய காரணங்களும், இந்த வகை மயக்கத்தை ஏற்படுத்தும். மயக்கம் அடைந்தவரை அப்புறப்படுத்தி, உடனடியாக நல்ல காற்றோட்டமான இடத்துக்குக் கொண்டு செல்லுங்கள். ஆடைகளின் இறுக்கத்தைக் கொஞ்சம் தளர்த்திவிட்டு, ஆசுவாச படுத்திவிட்டு மருத்துவரை அணுகுங்கள்.

கனவுகள்- ஒரு மர்மம்

நம் உடலில் நிகழும் பல விடைதேறியாத நிகழ்வுகளில் கனவுகளும் ஒன்று.அனைவருக்கும் கனவுகள் வருமா, கனவுகள் ஏண் வருகின்றன, அதற்கு அர்த்தங்கள் இருக்குமா,? கனவுகளை கட்டுபடுத முடியுமா ?

அறிந்து கொள்வோம்.

மனித உடல் தூங்கும்போது நான்கு நிலைகள் சுழற்சியாக மீண்டும் மீண்டும் நிகழ்கின்றன. முதல் மூன்று நிலைகளில் நமது உடல் வெப்பநிலை குறைந்து, ரத்த அழுத்தம் மற்றும் இதய துடிப்பு குறைத்து ஆழ் நிலை ஊரகதிற்கு செல்லும்.இந்த நிலைகளில் நம் உடலின் வளர்சிதை மாற்றம் குறைந்து உடலின் பெரும்பலன் பாகங்கள் ஓய்வில் இருக்கும்.

இட்ந்த மூன்று நிலைகளிலும் நம் விழி அசைவற்ற ஊரகதில் இருப்போம்(NREM – Non Rapid Eye Movement ). நான்காவது நிலையை அடையும் பொது நம் விழிகளில் அசைவு இருக்கும். (REM -Rapid Eye movement) .இந்த நிலை 20 நிமிடங்கள் வரை நீடிக்கும். நிலையில் தான் நமக்கு கனவுகள் வருகின்றன. நாம் மோத துக்காதில் 25% மேலாக நாம் ஆர்‌இ‌எம் (REM)நிலையில் கழிக்கிறோம்.இந்த நான்கு நிலைகளும் மாறி மாறி தொடர்ச்சியாக நம் கண்விழிக்கும் வரை வந்து கொண்டே இருக்கும்.

நாம் அனைவரும் கனவு காண்கிறோம்.சிலர் இதை மறுத்தாலும் அது தான் உண்மை.ஆனால் கனவுகளை நமது மூளை உடனே நமது ஞாபகதிலிருந்து நீக்கி விடுகிறது.நாம் விழிக்கும் நேரத்தில் கண்ட கனவு மட்டுமே நமக்கு ஞாபகம் இருக்கும். அதாவது 95% கனவுகள் நமக்கு விழிக்கும் முன்பே மறந்துவிடுகின்றன.

உங்களுக்கு தெரியுமா?

நமது வாழ்நாளி ல் 6% கனவிலயே கழிக்கிகிறோம்

குழந்தைகளும் கனவு காண்கின்றன. அவைகளுக்கு மொழி தெரியாததால் அவர்களின் கனவுகள் வெறும் ஊமை படம் போன்று மொழி பரிமாற்றம் அற்ற கனவுகளாக தோன்றும். குழந்தைகள் பெரியவர்களை போன்று இரண்டு மடங்கு நேரத்தை நான்காம் நிலை உறக்கதில் ( REM in total sleep- 50% ) கழிக்கின்றன.

அதேபோல் மூன்று வயதிற்கு முன்பே பார்வை இழந்த, பிறவியிலயே பார்வை அற்றவர்களும் கனவு காண்கின்றன.அவர்களின் கனவுகளில் ஒலி,சுவை, ஸ்பரிசம், மணம் போன்ற மற்ற நான்கு புலன்கள் தொடர்புடைய கனவுகள் தோன்றும்.

உங்களுக்கு தெரியுமா?

சில விலங்குகள் கூட கனவு காண்கின்றன.

கனவு காணும் பொது நமது உடல் முழுவதும் (விழி திரை தவிர்த்து) செயலாற்ற நிலையில் (paralysis) இருக்கும் என்பது உங்களுக்கு தெரியுமா?, அதனால் தான் நம்மை கனவில் நம்மை யாராவது துரதினாலும் நிஜத்தில் நமது உடல் ஓடுவதில்லை.இந்த கட்டுபாடு இல்லை என்றால் என்ன ஆகும் என்று சிந்தித்து கொள்ளுங்கள்.

இரத்ததில் சர்க்கரையின் அளவு

நமது உணவில் உள்ள சர்க்கரையானது வளர்சிதை மாற்றத்தின் (metabolism) வாயிலாக குளுகோசாக மாற்றம் பெற்று இரத்தத்தோடு கலக்கிறது. இதனை அளப்பதற்குப் பொதுவாக நொதிகள் (enzymes) எனப்படும் வேதியியல் பொருள்கள் (chemicals) பயன்படுத்தப் படுகின்றன. குளுகோஸ் ஆக்சிடேஸ் மற்றும் குளுகோஸ் பெராக்சைட் எனப்படும் நொதிகள் குளுகோசை குளுகோனிக் அமிலமாகவும் ஹைட்ரஜன் பெராக்சைட் ஆகவும் மாற்றுகின்றன; இதன் விளைவாக சிகப்பு வண்ணப் பொருள் ஒன்று உற்பத்தி செய்யப்படுவதோடு, இவ்வண்ணத்தின் அடர்த்தியும் கருவி ஒன்றினால் அளக்கப்படுகிறது. அதே வேளையில் ஒரு குறிப்பிட்ட அடர்த்தியுள்ள குளுகோஸ் மாதிரியும் (sample) செலுத்தப்படுகிறது. இந்த இரண்டு மாதிரிகளின் அளவைக் கொண்டு இரத்ததில் உள்ள குளுகோசின் அளவு கணக்கிடப்படுகிறது. சாதாரணமாக இரத்ததில் குளுகோசின் அளவு 60-100 mg% இருக்க வேண்டும்.

மார்பக புற்றுநோயை கண்டறிய சுய பரிசோதனை செய்வது எப்படி?

மார்பகபுற்றுநோய் என்பது மார்பக திசுக்களில் வளர்கின்ற ஒருவிதமான கட்டி. அவை அக்குளில் இருக்கும் நிணநீர் கட்டிகளுக்கும் உடலின் மற்ற பாகங்களுக்கும் பரவக்கூடிய தன்மை உடையதாகும். பொதுவாக மார்பகங்களில் நாளம் மற்றும் பால் சுரப்பு பகுதியில் தான் இந்த கட்டி வரும். மார்பக சுய பரிசோதனை மூலம் மார்பக புற்றுநோயினை ஆரம்பத்திலேயே கண்டறியலாம். மார்பக பிரச்னைகள் எந்த வயதிலும் ஏற்படலாம் என்பதால் அனைத்து வயது பெண்களும் சுய பரிசோதனையை அவசியம் செய்ய வேண்டும்.

மார்பக சுய பரிசோதனை செய்வது எப்படி?

மேலாடையை நீக்கிவிட்டு நிலைக்கண்ணாடி முன்பு கைகளை பக்கவாட்டில் தொங்கவிட்டபடி நிற்க வேண்டும். கைகளை இடுப்பில் வைத்து கொள்ளவும். மார்பகங்களில் ஏதேனும் தடிப்பு, கட்டி அல்லது இருபக்க மார்பகங்களின் அளவுகளின் மாற்றம், மார்பக காம்புகள் உள் அடங்கி போய்விடுதல், நிறமாற்றம், மார்பக காம்புகளின் ரத்தக்கசிவு உள்ளதா என்று உன்னிப்பாக கவனிக்க வேண்டும்.

அடுத்து, நிலைக்கண்ணாடி முன்பு கைகளை மேலே தூக்கியபடி நிற்கவும். மேற்கூறியபடி உன்னிப்பாக கவனிக்கவும். மார்பகத்தின் அடிப்புறத்தை பரிசோதனை செய்யவும். குறிப்பாக பருத்த மார்பகங்களாக இருந்தால் ஒரு புறம் திரும்பி நின்று இந்த பரிசோதனையை மேற்கொள்ளவும். இதையடுத்து, மல்லாந்து படுத்தபடி முதுகில் ஒரு தலையணையை வைத்து கைகளை தலையின் பின்புறம் வைத்து படுத்து கொள்ளவும். கைகளால் மெதுவாக மார்பகங்களை தடவி பரிசோதனை செய்யவும். சக்கர முறையில் வட்டமாக மார்புகளை உள்ளங்கையால் தேய்த்தபடி அக்குள் வரை மெதுவாக பரிசோதனை செய்யவும்.

மார்பு காம்புகளை நீவி அல்லது இழுத்து திரவம் ஏதேனும் வெளிப்படுகிறதா என்று பரிசோதனை செய்யவும். இந்த பரிசோதனைகளை மாதம்தோறும் செய்ய வேண்டும். மாதவிடாய் காலத்திற்கு பிறகு செய்வது நல்லது. இந்த சமயங்களில் மார்பகம் மிருதுவாக இருப்பதால் கட்டிகள் இருப்பின் அவற்றை சுலபமாக உணரலாம். மாதவிடாய் நின்ற பெண்கள், ஒழுங்கற்ற மாதவிடாய் உள்ளவர்கள், கருப்பை நீக்கப்பெற்ற பெண்கள் ஆகியோர் மார்பக சுய பரிசோதனைக்கு வசதியான நேரத்தை தேர்ந்தெடுக்க வேண்டும். உதாரணமாக, மாதத்தின் முதல் நாளில் இதை மேற்கொள்ளலாம்.

பரிசோதனையின் போது மார்பகங்களில் ஏதேனும் மாற்றம் இருப்பதை உணர்ந்தாலோ, உங்கள் இரத்த சம்பந்தப்பட்ட குடும்பத்தினருக்கு மார்பக புற்றுநோய் இருந்தாலோ ஒருங்கிணைந்த புற்றுநோய் சிகிச்சை மையங்களை அணுகி, உடனடியாக மருத்துவ ஆலோசனை பெறவும். மருத்துவரால் மார்பக பரிசோதனையும் மேற்கொள்ள வேண்டும். மார்பக புற்றுநோய் ஆரம்ப நிலையிலேயே கண்டறியப்பட்டால் முழுமையாக குணமாக்கலாம்.

மன அழுத்தம்

குடும்பம், குழந்தை, வேலை, பொறுப்பு, பொருளாதாரச் சிக்கல் போன்ற பல பிரச்னைகள் பல கோணங்களிலிருந்து நம்மைத் துரத்துகின்றன. பெட்ரோல் இல்லாத வண்டியைப் போலவும், பேலன்ஸ் இல்லாத மொபைல் போன் போலவும் நம்மை மாற்றிவிடுகின்றன. இந்த 10 கட்டளைகளைக் கடைப்பிடித்தால் பறந்துவிடும் மன அழுத்தம்.

உங்களால் மட்டுமே மகிழ்ச்சியை உருவாக்க முடியும். அது எந்த வகையில், எப்படி என்கிற விடையும் உங்களுக்குத் தெரியும். விளையாட்டு, பயணம், ஒவியம், இசை, தோட்டம், வாசிப்பு, குழந்தைகள் என, எதில் உங்கள் மகிழ்ச்சியின் சாவி மறைந்து உள்ளது எனக் கண்டுபிடியுங்கள்.

செய்யும் வேலை, தங்கியிருக்கும் வீடு, உடன் வாழ்பவர்கள், எதிர்கொள்ளும் நபர்களை முதலில் புரிந்துகொண்டு, நல்ல சூழலை உருவாக்கிட முயற்சி எடுங்கள். எதிர்மறை சிந்தனையாளர்களைத் திருத்துவது, உங்களின் வேலை இல்லை. விரும்பத்தகாத சூழலையும் நபர்களையும் விட்டு விலகுவது, பல விதங்களில் நன்மைகளைத் தரும்.

மறதி, சில நேரங்களில் நல்லது. உங்களின் பிரச்னையை மறக்க, மறதிக்கு அனுமதி கொடுங்கள். பிரச்னைகளை நினைத்து, அடிக்கடி சிந்தித்தால், அவை வலுப்பெறும். பிரச்னைக்கான தீர்வுகளை அலசுவதே புத்திசாலித்தனம்.

மாறுபட்ட சிந்தனைகளும், விசாலமான இதயமும், விட்டுக்கொடுக்கும் மனப்பான்மையையும் மற்றவர்களிடம் எதிர்பார்க்கும் முன்பு, நம்மிடம் உள்ளதா எனச் சரிபார்த்து, திருத்திக்கொள்ளுங்கள்.

உங்களை அழுத்தும் சூழலையும் நபர்களையும் சகிப்புத்தன்மைகொண்டு விரட்டலாம். முடியாத பட்சத்தில், சிரிப்பு, புன்னகை, தைரியம், பொறுமை, தன்னம்பிக்கை, நேர்மறை சிந்தனைகள், அறிவு போன்ற மகத்தான ஆயுதங்களைக் கொண்டு, அந்த சூழலை வீழ்த்தலாம்.

இலக்கை எட்டும் பயணத்தில் வெற்றி, தோல்வி இரண்டையும் சந்திக்க நேரிடும். இதில், தோல்வியைக் கண்டு துவண்டுபோகாமல், அடுத்து வரப்போவது மாபெரும் வெற்றி என்ற நேர்மறை எண்ணத்தை மனதில் விதையுங்கள்.

மனதை லேசாக்க வேடிக்கையான வீடியோக்களைப் பாருங்கள். நகைச்சுவை நிகழ்ச்சிகளைப் பாருங்கள். நேசிக்கும் மனிதர்களோடு நேரத்தைச் செலவழியுங்கள். பிடித்தமான உணவை ரசித்து ருசிக்கையில், மகிழ்ச்சி தரும் உணர்வுகள் உருவாகும். மணம் கமழும் நறுமணங்கள் நிறைந்த சூழலில் சில மணி நேரம் செலவழியுங்கள். அடிக்கடி பயணம் செய்யுங்கள்.

எந்த நேரத்திலும் தாழ்வு மனப்பான்மை, தேவையற்ற சிந்தனை, குழப்பம், கோபம், எரிச்சல், பயம், குற்றஉணர்ச்சி, சந்தேகம் போன்ற சிந்தனைகளை உங்களுக்குள் தோன்ற அனுமதிக்காதீர். நிறைய உடற்பயிற்சி செய்யுங்கள். நேரம் கிடைக்கும்போதெல்லாம் விளையாடுங்கள்.

தனிமையை இனிமையாக்குவது, சோகத்தைச் சுகமாக்குவது, பயத்தை எதிர்கொள்வது போன்ற வற்றுக்கு, தன்னம்பிக்கைதான் மூலாதாரம். உங்களால் எதையும் செய்ய முடியும், செயல்படுத்த முடியும், மாற்ற முடியும் என்பதை முதலில் நம்புங்கள். அதற்கான முயற்சிகளை எடுங்கள்.

எளிமையாகச் செரிக்கக்கூடிய உணவுகளுக்கு முன்னுரிமை தரலாம். எந்த உணவைத் தின்றாலும் நன்கு மென்று தின்னும் பழக்கத்தால், ஹார்மோன்கள், நொதிகள், உள்ளுறுப்புகளின் வேலை சுலபமாகும். ஆதலால், எதிர்வினைகளான டென்ஷன், பதற்றம், கோபம், எரிச்சல் உணர்வு, மன அழுத்தம் போன்றவை வராமல் தவிர்க்கலாம்.